تنبيه لكل الرجاله

لقيت في احد المنتديات هذا الموضوع

انا جاي اهدي النفوس بس يا جماعه عشان ما حدش يفهمني غلط هههههههههههه

طبعا انا لسه راجل عازب والحمد لله

فقولت قبل ما اتتجنن اصدي اتتاهل اعرف ايه النظام بالظبط

وبعد تفحيط اصدي تفحيص وتمحيص اكتشفت حاجه مهمه جدا وثابتة عند الزوجات

الواحده من دول عندها تسع كلمات بتقولهم وتستخدمهم

تعالوا نتعرف عليهم عشان لما يتقالوا تعرفوا تتصرفوا صح


1-طيب
ودي بقي يا رداله بتقولها الست هانم لما تبقوا بتتناقشوا في موضوع وهي مخنوقه منك وعايزة تنحي الحوار

او انت عايز منها حاجه تعملها وملهاش مزاج فتقولها عشان تسكتك وخلاص وطبعا بتبقي مش طيقاك وقتها

ونصيحتي للرداله لما تسمعها وهي وشها احمر وعنيها بتطلع نار تسكت ساكت خالص ويستحسن تقوم وتسيب المكان

2- خمس دقايق
دي بقي حكايتها حكاية

بيتخدموها عادة وهي بتلبس عشان تخرجها طبعا بتقولك خلاص خلاص هما خمس دقايق يا حبيبي وابقي جاهزة

ونصيحتي لكم في الحاله دي تقوم حضرتك مغير هدومك وظابط المنبه علي ساعه وتنام الساعه دي احسن

او لما تبقي جاي تعبان من الشغل وهتموت من الجوع وعايز تتغدي وطبعا طبعا هي حرقت الاكل كالعاده تقولك

انت بس غير هدومك وخمس دقايق والاكل يكون علي السفرة

وهنا بقي انصحك انك تلحق نفسك وتقولها لا يا حبيبتي انا ما ليش نفس لانك مش هتاكل اصلا فتيجي منك احسن

3- ولا حاجه
اااااااااااااه من الكلمه دي

غالبا بتستخدمها لما تبقي عايزه حاجه وطبعا حاجه تودي في داهية طبعا ومش عارفه تطلبها منك ازاي

فلما تسمع الكلمه دي تقولها خلاص براحتك وتقوم وتسيب البيت كله لمدة كام يوم يمكن تنسي وانا اشك انها تنسي

4- لالا عااادي
دا بقي تصريح خطير جدا جدا ده الهدوء الذي يتبعه العاصفة يا حلو

ودي لما بتكون سرحانه وبتفكر بتعمق ومش عايزة حد يشغلها فتسالها مالك ترد لالا عااادي

هنا بقي اقولك ما تسالهاش تاني وخليها بالهدوء ده لانك لو سالتها تاني هتبقي وقعتك مطينة ومنيلة بستين نيله

5- التنهيد بصوت عالي
لما تتناقشوا ومافيش حد عايز يتنازل عن رايه هي طبعا بتتخنق بسرعه مع انها غلطانه بس تعمل ايه

تتنهد بصوت عالي ودي معناها انها بتقول لنفسها انا ليه اصلا اضيع وقتي معاه في الكلام انا اتجوزته ازاي ده ؟؟

وشوف لو سمعتها عملت كده تسكت برضو خاااااالص لانك لو اتكلمت كلمه بعدها ممكن تقولك (( طلااااااقنيييي)


6- تفضل أو على راحتك ( مش عايز براحتك )
هنا بقي تعملها اللي هي عايزاه اما تكتب وصيتك يا حلو

لو عندت هتلاقي السنج والمطاوي والسيوف طلعت منين ما تعرفش


7- شكرا
لو سمعت الكلمه دي اوعي اوعي تسالها علي ايه قلها العفوا يا عني ده اقل واجب

بالرد ده هتتقي شرها وكمان هتفرسها وتغيظها

8- خلاص خلاص انا هعمله بنفسي
يانهار اسود دي بقي لما تطلب منك طلب اكتر من مرة ومتنفذوش

تقوم ايه تتنرفز وتتعصب وتبصلك من فوق لتحت كده وتقولك خلاص انا هعمله بنفسي

وغالبا بتقول بعدها انا اصلا ما اعرفش اعتمد عليك ابدا

برضو تخرص خالص ولا تتكلم وقولها يا حبيبتي انتي الخير والبركة هو انا من غيرك اقدر اعمل حاجه ولا اعيش اصلا

9- ودي كلمه بتتقال دايماااا واراهن اي حد
انا ما شفتش منك حاجه حلوه ابدا

انا ماحسيتش بفرحه معاك من يوم ما اتنيلنا

او انت ما جبتليش حاجه من يوم ما اتجوزنا

دي كلها جمل بتقولها الزوجه حتي لو انت معيشها في نعيم

وبرضو خلي ردك خلاص يا حبيبتي هبقي افرحك او هبقي اجيبلك

او
او
7
7
7
7
7
7
7
7
7

7
7
7
7
تقتلها وتريح نفسك وتخلص من العذاب والزل ده وانا رايي الشخصي ان هو ده الحل الامثل

وانا خلااااااااااااااااص صرفت نظر عن الجواز وده برضو احسن واحسن ( الوقاية خير من العلاج )

اتمني ان البنات الامامير ما يزعلوش من انا حبيت اكش حقيقة موجودة فعلا وهنشوف رد المتجوزين دلوقتي ونتاكد