بتقول كلام ومش كلام
بتقول كلام ومش كلام
كلام عن كلام يفرق
وكلام عن كلام يحير
يخليك متبرجل ومتغير
تايه ومش عارف ومتحير
ان كان دا حقيقى كلام
ومش كلام
كلامه هو ومش كلامه
بقالى يومين متغير حتى فى سلامة
متغير مش عارف ومتحير
ان كان هو ولا انا اللى متغير
طب ليه نتحير
نروح نلف ونتغير
مانسيب الدنيا زى ماهى
تلف بينا وتتغير
بس اللى مابينا يوم مايتغير
ولا لازم نتغير
ونتعب نفسنا ونتحير
نقول كلام مش كلامنا
نسلم سلام مش سلامنا
نعمل حاجة ماكانتشى فى بالنا
نتوه نمشى ونبقى فى حالنا
دا كلام ومش ملام
انا باتكلم واحكى بس داه مش كلامى
داه كلام ومش كلام
دى حكاية ومش حكاية
انا مش باشكى
داه باقول اللى جوايا
حاجة حاسسها ومعايا
ان داه كلامى ومش كلامى
داه سلامى ومش سلامى
الدنيا فيها كلام
وكلام عن كلام يفرق
يجيب عليك الحق لويفرق
معاه انك تكون معاه
يعيش حياته معاك وعمره مايشكى من الاه
دا الدنيا كلها كلام * كلام
احلام تصحى تفوق وتلاقى اوهام
ليه عشان كان ياباشا كلام
والكلام اخو الاوهام
الاتنين معروفين
قبل كده ومتجربين
جايبين نتايج مع التعبانين
فى دماغهم وتايهين
فى النوم عايشين
فى الحلم نايمين
بس باى باى يانايمين
خليكوا فى العسل غرقانين
طعم العسل حلو
للموهومين
ومر للصاحين
فى الدنيا بجد عايشين
واهو كلام
اه سلام
لسه ماخلصتش الكلام
وعجبى
الخميس مايو 05, 2011 6:27 am
