جمالك بالألوان مع جيلان.. ربطة طرحتك في خطوتين وبس

[img][/img]جمالك بالألوان مع جيلان.. ربطة طرحتك في خطوتين وبس






أعده للنشر: رنا حسين

• قمر 14
  

Select ratingPoorOkayGoodGreatAwesomePoor
Okay
Good
Great
Awesome


















Jul
26
2010






جمالك بالألوان.. مع جيلان








أتمنّى إن مجموعة الربطات اللي قدّمتها لكم الفترة اللي فاتت تكون عجبتكم وتكونوا جرّبتوها فعلاً بنفسكم..

والنهارده
هاقدّم لكم طريقة جديدة لربطة طرحة سهلة وسريعة ممكن أي بنت تعملها لو
جالها مشوار مفاجئ، أو لو حسينا إننا زهقنا من الربطات التقليدية اللي
بتكون فيها شغل كتير وبتحتاج لوقت ومجهود...

والربطة دي كمان هتكون سهلة لأي بنت لسه في بداية حجابها، وعايزة تعمل ربطة تكون شيك وبسيطة في نفس الوقت...

ودلوقتي تعالوا نشوف مع بعض الخطوات بالتفصيل:

1- نربط الباندانا القطن:
أول
حاجة هنعملها إننا نربط الباندانا القطن، وزي ما قلنا قبل كده إن
الباندانا القطن دي مهمة جداً؛ لأنها بتحافظ على الشعر وكمان بتثبّت
الطرحة، وطبعاً بنختار لونها بحيث تكون لايقة على ألوان لبسك، وهنا إحنا
اخترناها باللون الرمادي بنفس درجة لون البادي اللي الموديل لبساه، وبعد
كده هنستخدم باندانا بينك.

وميزة الباندانا إنها بتكون سريعة
وعملية، وممكن نلبس منها أكتر من واحدة، كبديل للإيشاربات الكتير اللي
البنات بتلبسها؛ لأنها بتضايق وخصوصاً مع الصيف والحر.






2- نربط الإيشارب الشيفون:
بعد ما ربطنا الباندانا القطن، هنربط الإيشارب الشيفون اللي معانا، وهو زي
ما هنشوفه في الفيديو إيشارب مستطيل مشجّر، وطبعاً إحنا اخترناه مشجر
علشان الموديل لابسة سادة؛ فالإيشارب المشجر هيكون حلو ومناسب جداً معاها.

وبعد كده هنقسّم الإيشارب نصفين متساويين، وبعد كده هنثبّت الإيشارب بدبوس
من ورا، وده أحسن عشان يبقى ثابت، خاصة لو خامة الإيشارب خفيفة، بس لو
إنتِ متمكّنة ممكن تربطيه عادي من غير دبوس، وبعد كده بتعمليه على شكل
فيونكة من الجنب.

وبكده نكون عملنا ربطة سهلة وسريعة في خطوتين بس، وممكن أي حد يعملها.







إضغط لمشاهدة الفيديو:
























وبكده
تكون خلصت حلقتنا النهارده، وأتمنّى إنها تكون عجبتكم ويا ريت تبعتوا
تقولوا لي رأيكم إيه، وكمان يا ريت تجرّبوا الربطة اللي قدّمناها وتقولوا
لي على النتيجة، وتقدروا تكلموني في أي وقت على رقم تليفون 0123418020

وفي
النهاية أحب أشكر محل scarfobia للإيشاربات اللي شارك معانا في الحلقات
بمجموعة الإيشاربات اللي ظهرت في الفيديوهات، ورقم تليفونه 0106101710

أتمنّى إن الربطة تكون عجبتكم...
وتبعتوا تقولوا لنا رأيكم إيه...
واستنونا في حلقات جديدة مع ربطات طرح مختلفة...