الجمعة أكتوبر 02, 2009 6:59 pm
كبداية..ممكن نقول ان علم النفس من ابسط الاقسام الموجودة فى اى كلية..سواء كانت اداب او تربية ...
وخصوصا لو كنت حابب دراستها فى الثانوية العامة..لان المنهج مش بيختلف كتير..بالعكس ده منهج ممتد ..بس على توسع اكبر...
وسر الاختلاف بين طالب كلية اداب قسم علم نفس...وبين طالب كلية تربية قسم علم نفس...
المنهج الى حد ما متشابهه...بس الاختلاف ان طالب علم نفس فى كلية تربية..معاه 6 مواد تربوى فى السنة...
يعنى 3 ترم اول..وزيهم فى الترم التانى...وده بيؤهله انه يكون على دراية واسعة وخبرة ممتدة فى مجال التربية ..وبيساعده طبعا فى انه يكون معلم ذو وعى بااحتياجات كل مرحلة..وبالفروق الفردية لكل طالب...
مش ده الفرق الوحيد لدراسي علم النفس فى كلية تربية بينه وبين طالب كلية اداب...
الا انه كمان فى مجال العمل..
طالب كلية تربية قسم علم نفس..مجالات العمل مفتوحة امامة كمدرس علم النفس...او كاستشارى نفسي فى اى شركة او اى مؤسسة من المؤسسات المعروفة...كمان فى مجال الاعلام اوالسياسة..او الفن والثقافة...لان علم النفس كمجال داخل فى كل نقاط حياتنا...
وخير دليل على ده..ان كل قسم من اقسام الكلية سواء كان لغات او جغرافيا او تاريخ او رياضة او علوم او كيمياء او فيزياء..
هنلاقي فى كل قسم من الاقسام ديه مادة او مادتين علم نفس كل سنة...يعنى داخل فى كل اقسام الكلية ...
علم النفس مادة بسيطة جدا وخصوصا لو انت حبيتها ..لان اى مادة هتحبها هتجتهد فيها وهيا كمان هتساعدك على انك تجتهد ..وبالتالى هتنجح فيها..
بالنسبة لدكاترة علم النفس...عاوزة اقول انهم من اجمل دكاترة الكلية خصوصا انهم بيحبوا طلبة المادة فى الاصل...وطول ماانت كطالب مهتم فى المادة..
وبتحضر المحاضرات وبتشتغل وليك انشطة فى جوة المادة...هتنجح فيها وهتفهمها...
من اهم المقررات اللى هتلاقيها عندك كطالب سنة اولى علم نفس...
هتلاقي مقرر البيولوجى**او مدخل الى بيولجى الانسان** :.
وده فيها جزء عملى..الخاص بالتشريح..مهم اوى حضور محاضرات وسكاشن المادة ديه..لانها الى حد ما فيها شيء من الصعوبة لو مكنتش فاهمها..او مستوعبها...هتلاقي جواها كل حاجةتخص الانسان من اجهزة برسوماتها زى مثلا...الجهاز الوريدى..والهضمى والتنفسي..وهتلاقي جزء عن العظام وعن والعضلات..مادة ممتعة جدا...ده اول جزء منها..
اما الجزءالعملى هتلاقيه بيتكون من تعريف عام عن الاجهزة الموجودة فى الزواحف**الضفدعة**وعن كمان الحيوانات**الارنب**كامثلة توضيحية...
ومقرر زى ده بيفيدنا فى اننا نعرف نفصل ونفرق بين المرض العضوي والمرض النفسي..ونعرف كمان الخلل الموجود فى اى جزء منهما...
هنلاقي كمان مقرر اسمه مدخل الى فلسفة:.
وده من ابسط المقررات فى علم النفس ..وبيحكى عن الفلاسفة..وبدايه وجود وانشاء علم الفلسفة...بيحكى عن اهمية الفلسفة فى حياتنا..واطوار تطورها ..واستخدماتها فى حياتنا...
مقرر كمان موجود اسمه..خصائص نفسية لرياض الاطفال:.
وبجد بجد من ابسط وامتع واحلى مقرر ممكن اى حد يشوفه فى الكلية بجد...بيحكى عن مراحل الطفولة ومراحل العمرية المختلفة..وسمات كل مرحلة من المراحل ديه...وبيحكى كمان عن مراحل النمو..وعلاقتها بتكوين الشخصية ونموها...
مقرر مدخل الى علم النفس:.
بيحكى عن تاريخ علم النفس..وعلاقته بباقي العلوم...
وعن فترة انفصال علم النفس عن باقى العلوم...على موؤؤسين علم النفس كعلم..ونظرياته..واهمتيه بالنسبة لباقي العلوم...
مقررتاريخ علم النفس..:.
يشبه لحد ما مدخل لعلم النفس...
مع فارق التفصيل فى ذللك المقرر عن الذي يسبقه..وخصوصا فى التواريخ والعصور وايضا مع التفصيل فى حياةالعلماء المؤسسين لذللك العلم...
وفى الترم الاول...
هنلاقي 3مواد تربوى زى ماحكينا...وعرفنا ايه الفرق بين التربوى والتخصص..والتربوى ده اللى معظم الاقسام التانية بتشترك فيه..
العربي \تاريخ تربية وتاريخ تعليم \علم نفس النمو..
العربي**
هنلاقي موجود فيه النحو..والنحو تراكمى ..وقصايد وشعراء فى مراحل مختلفة من العصور للوقوف على كل مرحلة وكل مدرسة شعرية والمقارنة بينهم...وهيا مادة بسيطة ..وسلسلة ..وامتحانها بسيط جدااا..
تاريخ تربية وتاريخ تعليم**
بيحكى عن اهمية التربية..والمؤسسات التربوية وتطورها...عن المجالات التربوية...
اما تاريخ التعليم بيحكى عن تاريخ التعليم ومراحل تطوره مارا بمحمد على وانجازاته والتاريخ الحديث...
علم نفس النمو**يهدف هذا المقرر لدراسة مراحل نمو الطفل منذ بداية فترة الحمل...حتى نهاية مرحلة الطفولة المتاخرة..
والقاء الضوء على الخصائص السيكولوجية لكل مرحلة من مراحل النمو ..مع دراسة المظاهر المختلفة للنمو.:
النمو الجسمى,النمو العقلى,النمو الانفعالى,النمو الاجتماعى,...
بكدة يبقي خلصنا مقرررات علم النفس كترم اول..اللى بتختلف طبيعى عن الترم التانى..
بالنسبة بقي للامتحانات وشكلها والقلق اللى بيحصل فيها...
بحضور المحاضرات وحل الشيتات وعمل الابحاث اللى بيطلبها كل دكتور..وبامتحانات الميد تيرم واللى بتحصل قبل امتحان الترم بمدة علشان الدكتور يحضر اعمال السنه تبعه...
مع الحضور كل دكتور بيحكى وبيعرف اهم النقاط الموجودة فى المنهج وخصوصا مع فترة قرب الامتحانات...وبيحدد الاسئلة اللى ممكن تيجى فى الامتحان...كمان ده بالاضافة لامتحانات السنة اللى فاتت...
..بس احب اطمنكوا ان الامتحانات مبتخرجش عن كلام الدكاترة ابدااااا...مهما حصل...
وان اعمال السنة مهمة جدااا جدااا..ولازم نهتم فيها...
الأربعاء أغسطس 11, 2010 8:42 am